mobiAI-с асуух
Zigbee холбогч төхөөрөмж
Zigbee холбогч төхөөрөмж
Zigbee холбогч төхөөрөмж танилцуулга
Zigbee холбогч төхөөрөмж нь ухаалаг гэрийн төхөөрөмжүүдийг интернетэд холбож, ТВ мобайл аппликэйшнээр удирдах боломжийг олгодог төв төхөөрөмж юм.
Төхөөрөмж холбох
Гар утасны аппликэйшн ашиглан холбох
АЛХАМ 1
Та өөрийн утасны үйлдлийн систем-с хамааран
- IOS: App store,
- Android: Play Store аппликэйшны хайлт хэсэгт “Mobi SmartHome” гэж бичин хайж дараах аппликэйшныг татаж суулгана уу.
АЛХАМ 2
Та өөрийн VOO үйлчилгээний нэвтрэх нэр болон нууц үгийг ашиглан нэвтэрнэ үү.
Санамж: Нэвтрэх нэр болон нууц үгээ мартсан тохиолдолд VOO аппликэйшны “Нууц үг мартсан?” хэсэгт дарж сэргээнэ үү.
АЛХАМ 3
VOO төхөөрөмжийг тогонд залган HDMI үзүүрийг зурагтын eARC/ARC дэмждэг оролтод холбон VOO эрхээр нэвтэрнэ үү.
*Интернэтэд холбогдсон эсэхийг шалгана уу!
АЛХАМ 4
Холбосон VOO төхөөрөмжийн C type оролтод “Zigbee gateway” төхөөрөмжийг залгана уу.
*Төхөөрөмж амжилттай холбогдсон үед гэрэл тогтвортой асна!
АЛХАМ 5
“Mobi SmartHome” аппликэйшн руу нэвтрэн орсны дараа баруун дээд буланд байрлах “+” товчийг дарж, холбох төхөөрөмжөө сонгоно уу.
Тайлбар: Энэхүү зураг нь зөвхөн жишээ тул таны ашиглаж буй аппликэйшны хувилбар болон ухаалаг гар утасны загвараас хамааран бодит интерфэйс нь өөр байж болно.
АЛХАМ 6
Zigbee төхөөрөмжийг ТВ төхөөрөмжид амжилтай холбосны дараа Household security хэсгийн доор байрлах “VOO device + Zigbee gateway” сонголтыг сонгоно уу.
Тайлбар: Энэхүү зураг нь зөвхөн жишээ тул таны ашиглаж буй аппликэйшны хувилбар болон ухаалаг гар утасны загвараас хамааран бодит интерфэйс нь өөр байж болно.
АЛХАМ 7
“Manually enter the SN” сонголтыг сонгон, “Enter the SN” гэсэн нүдэн дээр ТВ төхөөрөмжийн /хар/ ард харагдах SN кодыг бичиж оруулан “OK” товчийг дарна уу. Ингэснээр таны төхөөрөмж амжилттай нэмэгдэн “Home” цэсний “Devices” хэсэгт харагдах болно.
Тайлбар: Энэхүү зураг нь зөвхөн жишээ тул таны ашиглаж буй аппликэйшны хувилбар болон ухаалаг гар утасны загвараас хамааран бодит интерфэйс нь өөр байж болно.
ТВ аппликэйшн ашиглан холбох
АЛХАМ 1
VOO төхөөрөмжийг тогонд залган HDMI үзүүрийг зурагтын eARC/ARC дэмждэг оролтод холбон VOO эрхээр нэвтэрнэ үү.
*Интернэтэд холбогдсон эсэхийг шалгана уу!
АЛХАМ 2
Холбосон VOO төхөөрөмжийн C type оролтод “Zigbee gateway” төхөөрөмжийг залгана уу.
*Төхөөрөмж амжилттай холбогдсон үед гэрэл тогтвортой асна!
АЛХАМ 3
VOO удирдлагын асаах/улаан/ товчлуурын доор байрлах “Apps” товчийг дарж аппликэйшнийг бүтэн дэлгэцийн (Full Screen) горимд шилжүүлнэ. Үүний дараа ТВ дэлгэцийн зүүн доод буланд дараах тэмдэг харагдвал төхөөрөмж амжилттай нэмэгдсэн байна.
Тайлбар: Энэхүү зураг нь зөвхөн жишээ тул таны ашиглаж буй аппликэйшны хувилбар болон ТВ-ны загвараас хамааран бодит интерфэйс нь өөр байж болно.
Гэрлэн сигналын утга
| Гэрэл | Сигнал |
| Ногоон гэрэл асах | Төхөөрөмж идэвхтэй ажиллаж байна. |
Анхааруулга
- Төхөөрөмжийг суурилуулах болон ашиглахын өмнө энэхүү гарын авлагатай сайтар танилцаж, зааврын дагуу ашиглана уу.
- Төхөөрөмжийг зөвхөн дотоод орчинд ашиглах бөгөөд ус, чийг, тоосжилт ихтэй, нарны шууд тусгалтай эсвэл өндөр температуртай орчинд байрлуулахгүй байхыг анхаарна уу.
- Төхөөрөмжийг хүчтэй доргилт, уналт, механик гэмтэл, ил гал болон халаалтын төхөөрөмжөөс хол байлгаж ашиглана уу.
- Төхөөрөмжийг задлах, өөрчлөх, дур мэдэн засварлахыг хориглоно.
- Zigbee Gateway нь ухаалаг мэдрэгч төхөөрөмжүүдийг (хаалга, цонхны мэдрэгч, ус алдалтын мэдрэгч зэрэг) холбох төв төхөөрөмж тул түүний ажиллагаа хэвийн байгаа эсэхийг тогтмол шалгана уу.
- Интернэт холболт, төхөөрөмжийн төлөв болон мобайл аппликэйшны мэдэгдлийн тохиргоог тогтмол шалгаж, хэвийн ажиллаж байгаа эсэхийг баталгаажуулна уу.
- Zigbee Gateway болон мэдрэгч төхөөрөмжүүдийн хооронд олон давхар хана, төмөр хийц, том оврын цахилгаан хэрэгсэл зэрэг саад байрлах нь холболтын чанарт нөлөөлж болзошгүйг анхаарна уу.
- Цахилгаан болон интернэт тасарсан үед төхөөрөмж болон түүнд холбогдсон мэдрэгчүүдийн мэдээлэл дамжуулах ажиллагаа түр хугацаанд зогсохыг анхаарна уу. Холболт сэргэсний дараа төхөөрөмж автоматаар дахин холбогдоно.
- Баталгаат хугацааны хүчинтэй үед төхөөрөмжид гэмтэл, хэвийн бус ажиллагаа илэрсэн тохиолдолд ашиглалтыг нэн даруй зогсоож, эрх бүхий үйлчилгээний төвд хандана уу.
- Төхөөрөмжийг зааврын дагуу суурилуулаагүй, буруу ашигласан, зориулалтын бус орчинд байршуулсан, эсвэл тогтмол шалгаж баталгаажуулаагүйгээс үүдэн гарсан аливаа доголдол, хохиролд үйлдвэрлэгч болон нийлүүлэгч хариуцлага хүлээхгүй.
- Энэхүү төхөөрөмж нь ухаалаг төхөөрөмжүүдийн мэдээллийг дамжуулах зориулалттай төв төхөөрөмж бөгөөд аливаа осол, хулгай, эвдрэл гэмтэл, халдлага болон бусад эрсдэлээс бүрэн хамгаалах баталгаа болохгүй.
- Төхөөрөмжийн программ хангамжийн шинэчлэлт гарсан тохиолдолд мобайл аппликэйшнээр дамжуулан тухай бүр шинэчлэлт хийж байна уу.
- Баталгаат хугацаа 3 сар
- Төхөөрөмжийн талаар нэмэлт лавлагаа, санал хүсэлтээ info@mobinet.mn и-мэйл хаягаар илгээнэ үү.