Гар утасны зээлтэй хэрэглэгч гэрээ шилжүүлэх боломжтой юу?

    Гар утас зээлтэй хэрэглэгч гэрээ шилжүүлэх боломжтой. Гэрээ шилжүүлэхэд дугаарын эзэмшигч солигдох тул гар утас зээлийн үлдэгдэл төлбөрийг бүрэн төлөх шаардлагатай.

Урьдчилсан төлбөрт дугаараа дараа төлбөрт үйлчилгээ рүү шилжүүлж болох уу?

    Болно. Хэрэглэгч хүчин төгөлдөр цахим үнэмлэхтэй үйлчилгээний салбарт хандана. Дараа төлбөрт үйлчилгээ рүү шилжихийн тулд дараах шаардлагуудыг хангасан байх ёстой. 

Үүнд: Урьдчилсан төлбөрт дугаар нь хэрэглэгчийн нэр дээр бүртгэлтэй, дугаарынх нь үйлчилгээний эрх идэвхтэй байх. Урьдчилсан төлбөрт дугаартайгаа дараа төлбөрт үйлчилгээнд шилжихэд бүртгэлийн хураамж, барьцаа төлбөр төлөх шаардлагатай ба тухайн дугаарын ашигласан хугацаанаас хамааран бүртгэлийн хураамжийн хөнгөлөлт эдэлнэ. Урьдчилсан төлбөрт дугаартай хэрэглэгч дараа төлбөрт үйлчилгээнд шилжихэд хэрэглэгчийн ашигласан хугацаа, хэрэглээний түүх хэвээр үлдэнэ. 

Урьдчилсан төлбөрт дугаартай хэрэглэгч дараа төлбөрт үйлчилгээнд шилжихэд хэрэглэгчийн дансан дахь нэгжийг хэрэглэгчийн шилжин орсон дараа төлбөрт үйлчилгээний төлбөрийн нэхэмжлэхийн эцсийн дүнгээс 1 нэгжийг 1 төгрөгөөр тооцон хөнгөлөлт олгоно. Хэрэглэгчийн багц хооронд шилжих үеийн дансан дах хоногийн үлдэгдлийг тухайн өдрөөс эхлэн 180 хоног хадгалах ба үүний дараа үлдэгдэл хоног нь хүчингүй болно.

Хэрэглэгчийн нэмэлт үйлчилгээний эрхийг хэвээр шилжүүлэх бөгөөд нэмэлт үйлчилгээний эрх дууссан тохиолдолд хэрэглэгч үйлчилгээний эрхээ цуцлах хүсэлт гаргаагүй бол дараа төлбөрт үйлчилгээ рүү шилжин орсон ч нэмэлт үйлчилгээг үргэлжлүүлэн ашиглах боломжтой. 

Урьдчилсан төлбөрт дугаартай хэрэглэгч Дараа төлбөрт үйлчилгээнд шилжихэд хэдэн төгрөг төлөх вэ?

    Урьдчилсан төлбөрт хэрэглэгч Дараа төлбөрт үйлчилгээ рүү шилжихэд барьцаа, бүртгэлийн хураамж төлөх шаардлагатай. Дугаараа 12 сараас дээш хугацаанд ашигласан урьдчилсан төлбөрт үйлчилгээний хэрэглэгч бүртгэлийн хураамжийн хөнгөлөлт эдлэх боломжтой. Дараа төлбөрт миний моби багцын нөхцөлийг ЭНД дарж харна уу.

Сард 2 удаа гэрээ шилжүүлэх, багц солих үйлчилгээ авч болох уу?

    Гэрээ шилжүүлэх болон багц солих үйлчилгээг тухайн сард 1 л удаа авах боломжтой. Өөрөөр хэлбэл 5 сарын 20-нд багц солих, гэрээ шилжүүлэх үйлчилгээ авсан бол 6 сарын 1-ний өдрөөс эхлэн дахин багц солих, гэрээ шилжүүлэх үйлчилгээг авах боломжтой болно.

Гар утасны зээлтэй хэрэглэгч дугаар хадгалах, түр хаах үйлчилгээ авах боломжтой юу ?

    Гар утас зээлээр авсан хэрэглэгч нь гэрээний хугацаанд үйлчилгээг тогтмол ашиглах гэрээ байгуулсан тул дугаар хадгалах үйлчилгээнд хамрагдах боломжгүй. Гар утас зээлийн гэрээг цуцалсаны дараа дугаар хадгалах үйлчилгээг авах боломжтой болно.

    Харин дугаар түр хаах үйлчилгээг авах боломжтой. Дугаар түр хаах үйлчилгээ авсан гар утас зээлтэй хэрэглэгчийн төлбөр тооцоо бүтэн бодогдоно.

Хадгалуулсан дугаараа сарын дундуур нээлгэвэл суурь хураамж бүтэн гарах уу?

    Хадгалсан дугаараа сарын дундуур нээлгэж байгаа тохиолдолд сарын хураамжийг сарын үлдсэн өдөрт дүйцүүлэн нэхэмжилнэ. Багцад дагалдах хэрэглээний эрхийг бүтэн олгоно. 

Багцаа сольсон дугаарын төлбөр хэрхэн тооцогдох вэ?

    Хуучин багцаас шинэ багц руу шилжиж байгаа хэрэглэгчийн багцын суурь хураамж нь харгалзах багцыг ашигласан өдрөөр нь дүйцүүлэн тооцно.

Жишээ нь: 30 хоногийн 15 хоногт Hybrid_9900 багцаар ашиглаж байгаад багцаа Hybrid_14900 руу ахиулсан бол. 9900/30*15=4950₮, 14900/30*15=7450₮ 4950₮+7450₮=12400₮ нэхэмжилнэ.

Сарын эхний цөөн хэдэн өдөр дугаараа ашиглачихаад хадгалуулбал суурь хураамж хэрхэн бодогдох вэ

    Сарын дундуур дугаар хадгалуулах хүсэлт гаргасан хэрэглэгчийн сарын хураамжийг бүтэн нэхэмжилнэ.

Дугаараа түр хаалгасан тохиолдолд буцааж нээлгэхгүй хэр удаан байж болох вэ?

    Дараа төлбөрт үйлчилгээний хэрэглэгч дугаараа түр хаалгасан өдрөөс хойш сарын 20-ны өдрийг хүртэл буюу төлбөр төлөх эцсийн хугацаа хүртэл түр хаана. Төлбөр төлөх эцсийн хугацаанаас өмнө хэрэглэгч төлбөрөө барагдуулаагүй тохиолдолд дугаарыг төлбөрөөс хаалттай төлөвт шилжүүлнэ. Төлбөрөөс хаалттай төлөв рүү шилжсэнээс хойш хэрэглэгч төлбөрөө төлөхгүй бол 3 сар хүлээгээд 4 дэх сарын 1-ний өдөр дугаар устана. Хэрэглэгч сар бүр гарсан төлбөртөө тогтмол төлж байгаа тохиолдолд өөрийн хүссэн хугацаанд дугаараа түр хаалттай төлөвт байлгах боломжтой.

Дугаараа огт ашиглахгүй байгаа хэрэглэгчийн дугаар хэзээ устах вэ

    Дараа төлбөрт үйлчилгээий дугаар 3 сарын турш төлбөрөөс бүтэн хаалттай байсан тохиолдолд 4 дэх сарын 1-ний өдөр цуцлагдана. Харин дугаараа ашиглаагүй ч гэсэн ашиглаагүй сарын суурь хураамж 9900₮-г сар бүр тогтмол төлж байгаа тохиолдолд дугаар устахгүй байх боломжтой.

Гэрээ шилжүүлэх үйлчилгээг бүх өдөр хийх үү?

    Сар бүрийн 1-4 - ний өдрүүдэд дараа төлбөрт үйлчилгээний төлбөр тооцооны нэхэмжлэл бодогддог тул энэ өдрүүдэд гэрээ шилжүүлэх үйлчилгээг авах боломжгүй. Тиймээс сар бүрийн 5-ны өдрөөс эхлэн гэрээ шилжүүлэх хэрэглэгч болон шилжүүлэн авах хэрэглэгч нар хамтдаа хүчин төгөлдөр цахим үнэмлэхтэй үйлчилгээний салбарт хандана. Үйлчилгээний төлбөр дугаарт тус бүр 3000₮.

Зах зээлд эрэлттэй 9911-тэй дугааруудыг зөвхөн үндсэн салбарт хандаж гэрээ шилжүүлэх үйлчилгээг авна.

Багц солих үйлчилгээг хэзээ авах боломжтой вэ?

    Mиний моби болон Hybrid багцын хэрэглэгч сард 1 удаа багцаа солих боломжтой бөгөөд хэрэглэгчийн хүсэлт гаргасан өдөр үйлчилгээг идэвхжүүлнэ. Шинэ болон хуучин багцын суурь хураамжийг ашигласан хоногт дүйцүүлэн тооцно.

Хэрэглээний дэлгэрэнгүй жагсаалтыг хэрхэн авах вэ?

    Хэрэглээний дэлгэрэнгүй жагсаалтыг хэрэглээ хийсэн сүүлийн 3 сарын хугацаагаар авах боломжтой ба 1 сарын төлбөр 1000₮ байна.

Хувь хэрэглэгч хэрэглээний дэлгэрэнгүй жагсаалт авах бол өөрийн биеэр хүчин төгөлдөр цахим үнэмлэхтэйгээ үйлчилгээний салбарт хандана.

Байгууллагын хэрэглэгч бол байгууллагын албан бичигтэй дугаар эзэмшигч өөрийн биеэр хүчин төгөлдөр цахим үнэмлэхтэйгээ үйлчилгээний салбарт хандана.

Төлбөрөөс 24 цагаар нээх

Дараа төлбөрт болон Хосолсон төлбөрт үйлчилгээний хэрэглэгч төлбөрөөс хаагдсан дугаараа 24 цагийн хугацаатай:

1. 2222 лавлах төвийн Автомат хариулагчаас
2. Mobicom апликейшны Үйлчилгээ цэсэд тус тус хандан дугаарын эрхээ нээх боломжтой.

Дараа төлбөрт дугаарын хэрэглээ хязгаарлах түвшин нэмэлт нөхцөлийн талаар

    Миний моби багцын хэрэглэгчийн авлагын эрсдэлийг бууруулах зорилгоор дугаарын хэрэглээг үе шаттайгаар мэдээлэн заасан түвшинд хүрсэн тохиолдолд гарах хэрэглээг хязгаарлах нэмэлт үйлчилгээ юм. 

Багцын суурь хураамжийн дүнгээс хамаарч Хэрэглээ хязгаарлах түвшингийн дүн ялгаатай байна.

Тухайн дугаарын багцын суурь хураамж болон тухайн сарын хэрэглээний дүн нь хэрэглээ хязгаарлах түвшинд хүрсэн тохиолдолд гарах хэрэглээг хаана.

Итгэмжлэл бичих загвар

Өөрийн биеэр үйлчилгээний салбарт хандах боломжгүй үедээ ойр дотны хүндээ итгэлжлэл үйлдэн өгч өөрийгөө төлөөлүүлэн мобикомын үйлчилгээг авах боломжтой. Доорх загварын дагуу итгэмжлэлээ бичээрэй. Itgemjlel_zagvar.pdf